بازیں زبانانی مُچّی یک جرم انت
The article below is not in standardized Baluchi. We are currently working on it and will provide an updated version soon
نبشتکار: ستّار عزیزی
بازیں زبان ءَ یک جاہ کنگ بِزاں که یک هنچیں رھبند ءِ جوڈ کنگ کہ آئی رِدا یک جاہ یا آبادیں بازیں راجان ءَ یک زبان ءَ وانینگ و نوِیسگ شوون ازم رنگ ءَ دنت- چوشیں رھبند ءِ مول و مراد الّم ہمیش بیت کہ دروئیں راج یک جا کنگ بے بنت-
ایران ءِ بادشاہ رضاہ شاہ پہلوی ءِ دور ءَ بازیں کوّاس و دانشوراں ہمی هَبر گُشت کہ بائیدیں ہرچ راج کہ آ یک جاہ ءَ نشتگنت آ بایدیں یک زبان ءَ نِبشته بکننت و بوان انت- اے ہما زانتکار و کواس ات انت کہ آہاں فرانس ءَ ونتگ ات- ایران ءِ بادشاہ رضا شاہ پہلوی ءَ ہمی زانتکارانی هَبر ہم زُرت- بلے 1979 ءَ وھد ءِ کہ ایران ءَ ملاہانی آشوب اتک گُڑا بادشاہ رضا شاہِ گواستگیں جوڑ کُتگیں کانون ہم ھلاس کَنگ بوتان- بازیں کتاب و نبشتانک گُڑا دگہ زبان ءَ ہم چاپ کَنگ بوتان- ہمی رنگ ءَ ایران ءِ کانون اساسی ءِ آرٹیکل 15 اے گوشیت کہ فارسی ءَ چے ابید اِی دگہ زبان ہم بایدیں زھگانہ اسکول و مدرسہ ءَ وانینگ بے بنت-
بد بَهتی اشنت که بازیں مردم ءَ ایران ءِ کانون اساسی ءِ آرتیکل 15 ءَ یک دگہ ردی ءِ رنگ ءِ داتگ- آہانی گوشگ اِش انت کہ اے آرتیکل گُوشیت کہ دگہ راج ءَ اے آجوئی است انت کہ آ وتی لوگ ءَ وتی زھگان ءَ وتی ماتی زبان ءَ بوانین ءَ و هیل بدِیاں۰ بلے اسلا چوش نہ انت- ایران ءِ کانون اساسی ءَ آرتیکل 15 اے گوشیت کہ فارسی ایران ءِ راجی زبان انت بلے ای دگہ راجی زبان ہم دفتر ءَ اسکول و ای دگه جاہاں کار مرز بُوت کننت-
دگہ لھتیں مردم ایران ءِ کانون اساسی ءَ آرتیکل 15 چوں اے پئیم ءَ گُشنت کہ ایراندولت ءِ زمہ واری نه انت کہ آ ہما مردم کہ آ فارسی بان نه انت آہانی زبان ءَ بے رکین انت و اسکول ءَ فارسی ءَ ابید دگہ زبان زھگان ءَ درس بے دنت- بلے آہانی گوشگ اے رِدا دگہ راج آزات انت کہ وتی زبان ءَ وت وتی اسکول و کار جاہا کار مرز بے کنا-
ایران ءِ دولت ءَ دگہ راجانی زبان ءِ رکینگ ھاترا پنچ (۵) راہ و رھبند گیشینتگ انت- آ پنچھں رھبند چوں اے پئیم ءَ انت ”منّگ بِزاں که قبول کنگ“ ”برادشت بِزاں هے دگہ راجی زبانانی سگّگ“ ”رکینگ” بِزاں دگہ راجی زبانانی رکینگ و پہر دارگ ”دیما برگ یا دیمروی“ بِزان که دگہ راجی زبانان ءَ دیما برگ و ”ھلاس کنگ“ بِزاں کہ ہما زبان و راج کہ نزور انت و کسانی ءَ آہانی ھلاس کنگ و آہانہ فارسی بانا گوں هور تور کَنگ-
اے میان اُستمانی (انترنیشنل) ھانونانی ھلاف ورزی انت و جرم انت- میان اُستمانی کانون و گل اے ھبر ءِ سک ھلاف ءَ انت کہ ہما راج که نِزور و کسان انت آھان ءَ مزنیں راجا گوں هُور کنگ ہما کسان ءِ راجانی حق جَنی انت- دنیا ءِ بازیں سرکار میان اُستمانی کانون ءَ من انت و آرتیکل 27 ءِ ردا وتی ملک ءِ کسّانِ و نزوریں راجانی پھریزگ ھاترا کوشست کن انت-
ہمے داب ءَ میان اُستمانی گل نزوریں و درآمدیں راجانی زبانانی دیمروی ءَ بارئوا هم هَبر کنت و گُوشیت کہ دنیا ءِ مُچّیں سرکار باید انت درآمدیں و نِزوریں راجانی زبانان ءَ آھانی دود و ربیدگانی پھریزاگِ ھاترا کوشست بِکن انت و دری راج باید آیانی زبان، دود و ربیدگانی رکینگ ءِ ھاترا آیان کُمّک بکن انت
ہمے داب ءَ میان اُستمانی گل نزوریں و درآمدیں راجانی زبانانی دیمروی ءَ بارئوا هم هَبر کنت و گُوشیت کہ دنیا ءِ مُچّیں سرکار باید انت درآمدیں و نِزوریں راجانی زبانان ءَ آھانی دود و ربیدگانی پھریزاگِ ھاترا کوشست بِکن انت و دری راج باید آیانی زبان، دود و ربیدگانی رکینگ ءِ ھاترا آیان کُمّک بکن انت
