The article below is not in standardized Baluchi. We are currently working on it and will provide an updated version soon

نبیسۆک: بالاچ بلوچ

وھدے من وتی کسانی ءَ یات کناں گڈءَ منی مجگ ھمودءَروت کہ مئے ماتاں مئے واستہ گشتگ انت ءُ زیملءِزیبائی گوں مات رنگیں مھرءَمنءَامبازیت۔پورا زیملءِسرجمیں وشتامی

ھما زہیرونکانی  زهیروک سوت تہا چیر بوتگ ءُ مئے سرجمیں جند گوں مہرءُایمنیءَبندوک بوتگ۔ منءَباور انت اگاں اے مارشتءَمن گوں وتی ھم سروئیں مردماں بگشاں کہ آوانی گورءَھم انچیں تجربت است ءُ آوانی کسانی ام انچیں ماتانی الھانءُ زیبائیں سازءَگوں گوستگ انت۔ھما وشیں الھان کہ یک نسلےءَچہ دومی نسل ءَ سر بوت انت ءُ آواں ھمے الھان رکّینتگ انت چو ھزانگےءَپہ وتی چکّاں۔

زالبولانی آواز نوکیں دورءِبند انت ءُ مئے گونڈیں چک ام چہ اے آوازاں زبھر انت ءُ مئے ماتءُلوگ چہ نازینک  نازینک سوت  ءُزہیرونکءَدرامد انت۔

پابندی کہ رسم یا رواجانی وجہءَبوتگ یا نیکراہی ءُ شریعتءَ،یک مزنیں سانے بلوچ ربیدگءِسرءَدور دنت ءُ بدبھتی ءَبلوچءِمزنیں ربیدگےپُلگ بوتگ ءُ گوستانکءِوڑءَمزنیں ردی یے بوتگ. ما اے مزنیں ھزانگءِرکّینگءَبے سوب اَنت کہ مارءَگون انت ما چو دژمنءَکتگ ءُ وتی مراگشءُسُوراں چہ ام در کتگ۔ءُ بلوچ زالبولانی کردءَچہ بلوچ زیمل ءَ در کنگ ما وتی جنکّیں چک چہ ازمءِسرکیلیءَدور کتگ انت ءُ وتی جنک چہ بلوچ ازمءَدرامد کتگ انت

اے وڑیں ھاموشیں چاگردانی تہا کہ اودءَازم یک گناہءُازمکار یک گناھگارے، ھاموشیں مات ودی بوتگ انت کہ وتی ازمءِتامءَچہ درامد انت ،ازمکاریءُزیملءِتامءَچہ دور انت ءُ اگاں آ پہ وتی چُکّاں سوتے گشگ بہ لوٹ انت آ بلوچیءَنہ بیت ۔ اے دورءِتہا اے چیز گیش گندگ بیت نوکیں نسلءَزبیدہءُشمشکءِوڑیں ازمکارانی زلورت انت کہ آ نوکیں دورءِبلوچ زھگءُماتاں بلوچی زیملءَھمدپ بہ کن انت. ءُ وتی زیبائیں تجربتاں گوں چاگرداں بیار اَنت کہ یک زیبائیں ءُ بدلیں چاگردےءِمانزمان انت۔

آ یک انچیں چاگردے بیت اودءَازم یک ھاسیں تبکہ ئے ءَگوں بندوک بہ بیت ءُ چشیں چاگردےءِجوڑشت ہژدری انت ءُ تپاوتءِزمزیل سندگی انت