The article below is not in standardized Baluchi. We are currently working on it and will provide an updated version soon.

نبیسۆک: دُری بلوچ

‎اے نبشتانک اێرانئے هما بلۆچ زاهگانێ بارئوا انت که 
شُناسنامهئے نێست

.همایان که مان اے هاکی اێن زمینئے سرا رُدۆمِش کرتگ ، نام ، داب و دوب ، کئوم و کٹمِش هست اِنت بله بێپجّار اَنت ! مان ملکێا زند گوازێنگا اَنت ، داب و دوب ، راج ونێکراهِش هست اِنت بله آ ملکئے مردم لێکگ نبنت.سرکار آیان په بِه کمار و مدّت نکنت.هما کۆدکان و ورنایان و کماشانی که بێسئوبا بێسجل اَنت و سرکار آیان هچ وڑا مدّت نکنت .هما کۆدُکانے که په وانگا بود و شئوکِش هست اِنت بله بێسجلیئے سئوبا چه وانگ و زانگا زبهر اَنت ، بازێن دمانێا وانگجاهانی دریگانی پشتا اۆشتاتگ اَنت و درونتان گۆش دارنت بله مۆکلِش ندئینت که کلاسان بنندنت و زانشتی گپّ و ٹالان بهر بزورنت .چیزے وهد بیت که سرکارا چه پرمانداری و بکشداریان نمدی‌ای شنگ کرتگ که بێسجلێن کۆدکان مۆکل هست که وانگجاهان برئونت و درونت بگرنت بله آیان مدرک نرسیت و هچ کس نزانت آیانی کار و بار و وانگئے باندات چے بیت .

هما لۆگمانانی که سُستیئے سئوبا پت و ماتانِش شاهئے دئوره ائے سجل هست اِنت بله نۆکێن سجل‌اِش نگپتگ یانکه آیانی یکّے چه پت و ماتان سجل نبوتگ یانکه آیانی پت و مات گۆن وتی نزّیکێن هێشان که مان دگه ملکان زند گوازێنتگ سانگِش کرتگ آیانی چُکّ بێپجّاریئے کربانیگ اَنت.

سجل که آیانی انسانی و کانونی هکّ اِنت بله سکّی و سوری و بازێن هرج و درچئے سئوبا اے وڑێن لۆگمان ناامێت کرتگ و آیانی چُکِّش بێپجّار کرتگ اَنت.

. سجلے که بلکێن گۆن ملکی مردمانی شاهدی داتگێن کاگدێا سهل سهلا داتئے کُرت کننت بله مپتا مردمان مان اے کارگس و آ کارگسا تاچێن اَنت و اے کاگدا بگر و آ کاگدا شرّ کن و مرۆچان بێچارگێن مهلوکِش لاچار کرتگ که هرچ وارێن و وهد برێن دی ان اێئے چکّاسا بگرنت که په مهلوکا گران و گین کش کپتگ .هما جُهد کنۆک و بودی چکُّانے که چه یارانه و زندی ( مئیشتی ) مدّتا زبهر اَنت و آ په وانگ و زانگے که بانداتا په آیان گهێن کار و بارے ٹهینیت زبهر اَنت

ورنا و مئیانسالانے که بێسجلیئے سئوبا هچ وڑا مان گچێنکاریان بهر زرت نکننت و وتی رۆژناێن بانداتے پئیم کنگا بهر زرت نکننت و مان مردمشُماریان هم کچ و کساس نبنت. چه درمانی بیمَها هم زبهر اَنت و بلکێن برے برے گندگ بئیگا اِنت که درمان و دارگی سکّێن بازێن هرج و درجانی سئوبا مان کوهنێن گلی لۆگان نادراهیئے بسترئے سرا بێران بنت.البت آیانی بێپجّاری په چاگردا هم نکسے پرچا که اگن اِے بێپجّارێن مردم ردی یا سلکاری‌ای هم بکننت آ درگێجگ و دزگیر نبنت وسهل سهلا چه سرکار و کانونئے دستا جِه اَنت.

همے وڑا دگه هبکه‌ای گپے اش اِنت که چه اے بێسجلانی تۆکا انچێن مردم هم در کپیت که بس گۆن گوانکۆی رهوتێا یا که گۆن کمترێن تکلیپێا بس گۆن یک رندے مان سجلئے کارگسا وتا پێش دارگا سجلئے واهند بنت! بله آ هما کس اَنت که پشت و زرّ و زۆرش هست اِنت.مان دنیائے اِے ٹُکّرا هبر هماییئگ اِنت که زرّ و پشتی هست اِنت و بے آیان تئو گار و بێگواه ائے .

امێت کشّێن که آیان که زندگنت گارو بێگواه مبنت.