اێرانا بلۆچی زُبان، گۆن بازدرۆشمێن چکّاسبندان دێم په دێم اِنت که هر یکّے چه اے جاوران گیر و دارے په زُبانئے ازگاریا هست.

اے سجهێن گیر و داران که و وتی جاگها هستند، گوَشتَ کنێن که بلۆچی زُبان سئے مُلکا اێران و پاکستان و اوگانستانا بهر اِنت بله وتی هاک و چاگردئے تها سرکاری زُبان لێکگ نبیت، و پرچا که گێشترێن بلۆچ اے مُلکان بهر بوتگ زندگی کنگ اَنت.

وانگ و زانێنگئے مستری و کَمان یکێن زُبان پارسی دست چێرا اِنت که مان سجهێن اێرانئے وانگجاهان وانێنگَ بیت. و همے جێڑه سئوب بوتگ بلۆچی زبان همراه گۆن آ دگه گئیر پارسی زبانان انچش گِستا دئور دارگ بوتگ‌اَنت.  اے سیستماتکێن ڈالچاری نه تنها بلۆچ راج چه ماتی زُبانئے تالیما نادزرس و زبهر کرتگ، بلکێن دێمرئوی زانشت و دۆد و ربێدگی میراس اَنت که یک نسلے په دگه نسلئے سر بئیگا سست و نابود کنگ بوتگ.

اوپسالا دانشگاها بلۆچی زُبانئے پروجیکتئے بنیادا گوَشیت،  که  بلۆچی زُبانئے گپ کنۆک کِساس 10 میلیون مردم یا تنتا گێشتر اَنت، بلۆچی زُبان اِستاندارد و رسمی بیئگا زۆر جنگَا اِنت  زبان استانداردئے  وانگ و وانێنگئے دێم گرگ ببیت. ابێد چه اے جێڑهان که بلۆچی زُبانا که فرم استاندارد نبشتاری ببیت گۆن بازێن ناجۆڑی شنگ‌وشانگیانے که بلۆچی زُبانیئے گالواران هست‌ سئوب بوتگ‌اَنت که زُبان یک مُچی و یکّ درۆشمی و رۆدگ و سَاتگئے دێما بگرنت.

ۆن سجهێن اے جێڑه و چکاسبندان، پروگرامے چه دانشگاه اوپسالاها که په بلۆچی زبانا بنگێج کنگ بوتگ، په چاگرد بلۆچئے پلامرزیا.  

مۆل و مردا چه اے پروگراما که وتی پێشکدمێن کۆشش په استاندارد زبان بلۆچیا اێر کنگ بئیگا اَنت، که یک درۆشێما لبزانک نبیسگ ببیت، اشی که یک بنداتی ساچشتکاری په وانێنگا، لبزانکی کارپد و هاسلے، تێجارے په بلۆچی دۆدوربێدگا.اوپسالاه دانشگاهئے درورانی پێشکش کنگ، مدامیێن زانتکاری وهمکاری گۆن بلۆچ پٹ و پۆل کاران بۆدناک کنت یانکه وتی زبانی میراسا بمۆکنت وتی دۆدوربێدگی پجارا مان جهانا زندگ بدار اَنت.

چه همے انترنتی تاکبندئے نێمگا، سازمان یو ان پی او که گۆن دانشگا اوپسالاها همکاری کنت و جدوجهدانی دانشگاه اوپسالا په پهازگ زُبان بلۆچیا کشتگ تشکر کنت. برانز همگام گۆن آکادمی مردمانی کۆششان که بلۆچئے تئوار وپا دار چاگرد بوتگ‌اَنت.برانز لۆٹیت یکّ ساچے نز بیاریت تانکه هما کسانی وتی داستان و چمشانک و وتی وشّ بیانیا اِدا هئوار بکننت په مِسال یک انبار دیجیتالێن په دۆدوربێدگان، زبان پجار بلۆچ اَمل کنت.

هر شمارهئے چه برانز تاکبندا و ماهانه  درۆشما پنچ نبشتانک سئے زُبانا بلۆچی، پارسی، انگلیسیا شنگَ  کنت. اے نبشتانکی یکّ مزنێن بهرے درشان چه تبراجمانزانتی و چه دۆدوربێدگی تان پٹ و پۆل لبزانک و گوَشوکندا بگر.مئے لۆٹ چه اے تاکنبدا نه تنها پر زۆر کنگ دۆدوربێدگئے مزن کنگ اێرانئے مردمانی نیاما، بلکێن مئے لۆٹ مان سجهێن بلۆچ مردم انت که اێرانئے گۆن پاکستان و اوگانستان جۆڑێنگ و همگرنچ کنگی اَنت. 

برانزا گۆن سازمان یو ان پی او ائے مدّت و پلامزرییا ائولی نبشتانکی سال 2021آ بنگێج کرت. برانز په دل و سِتک، بنگێج استاندارد و پهازگ زبان بلۆچی انت و اے گپئے سرا پکا اۆشتاتگ. برانز هر ماه پٹ و پۆل کنت چه رسانکداران که لهتێن نبشتانک نز بیاریت، نزۆری کٹان پر بکنت، برانز مۆل هم انت بلۆچ راجئے ازگارێن دۆد و ربێدگا دێما ببارت. مئے کۆشست اے پٹ و مئیدانا اَنت که پهازگ و مانزمان زُبان بلۆچی په دێمدئورئے پدرێچا.