نبشتکار: انیلا یوسف

مرۆچی دنیائے جنکانی میان‌استمانی رۆچا “ڈیجیٹل جنریشنئے” نسبتا دارگا اَنت ، وھدے که بلۆچستانا جنکّێن چُکّ و جنێن آدم ڈیجیٹل جنریشنئے نامئے زانگ کُجا؟ وتی جندئے بُنکی آسراتیان چه زبھرنت. MMRئے ھساب و داد یانکه چارو ٹپاسئے ردا بلۆچستانا چلگی بزان چُکّ و ماتیئے وھدا مرگئے کساس چه پاکستانئے ایندگه سُوبهان گێشتر انت.

ھمے زوتان جنێنانی چُکّ ماتیئے وھدا بێران بئیگئے دروران چه یک درورے اِش انت که یک نادراھیا داکٹرا پێسرا چه ھمے گشتگ که اے زالبولئے چُکّ لاپئے تها بێران بوتگ ھمے جنێن آدما هسپتالا سربئیگا سئے رۆچ گوازێنتگ. په همے ھاترا آییئے جند هم بێران بوتگ.

بلۆچستانا چُکّماتیئے وھدان بێران بئیگئے اے جێڑها ما سرکارئے نابودی و ھسپتال و داکٹرانی بێپروای گُشێن و وتا بێمئیار کنێن. بله بُندرا اے جێڑہ چُکّماتیئے وھدا نبیت ھما وھدا که جنکێن چُکّ ودیَ بیت ما و مئے چاگرد میزان میزانا آییئے مرگئے نێمگا تێلانک دئیان کنێن.آییئے لئیب و گوازی و اسکولا رئوگئے اُمرا ما لۆگئے سجهێن زمهواریان ھماییئے بڈا لڈێن. آییئے کسترێن برات و گُهارانی سجهێن کاران ما ھماییئے کۆپگا دهێن.

ھمرۆچ اسکولا چُکّانی بێھوش بئیگئے سئوب آیانی کم وردنی و کم ھۆنی اِنت.ھمیشی سببا آ ھر رۆچ نادرہَ بنت.لۆگئے کارو کسترێن برات و گُهارانی چارو دلگۆشئے سئوبا مدام چه اسکولا مۆکل کنگ و نئیایگ وَه ھمرۆچیگێن گپے….آیانی کم توانی و کم وردنییێا ابێد نپسیاتی ھسابا هم آیانی ھالت و جاور شر نه‌اَنت.

ن انچێن چُکّ ھم است که سک باز ھساس اَنت وتی ھساس تب بئیگئے سئوبا وتی لۆگئے چاگرد،نێزگاری و اێندگه پرێشانیانی سئوبا مۆنجا وگمیگ گندگا کاینت..اسکولان گێشتر مۆکل کنگ و چه اسکولا درآیگئے سئوب ھم ھمے لۆگئے کاراَنت.گریبی و نێزگاریئے سئوبا بازێن مردم وتی سئهێن وھدے ورگا په باز مشکل و جنجالے درگێجیت.آ کُجا شیر،نیوگ، گوشت و دگه شرێن وردنی چیز زرت کرتَ کنت.ھمے ھمُک ماهئے اێندگه ھرچ و درچان ھئوار نادراھی و اێندگه جێڑھانی بابتا وَه گپ نبیت.ھمے سئوب اِنت گێشتر چُکّ نۆک اُمریا ھۆنئے کمیئے سئوبا نزۆر و ناتوانَ بنت. دگه جێڑهئے کسانیا جنکّێن چُکّانی سیرو سانگ دئیگ اَنت.سورا چه پد ھمشریکیا چُکّ آرگ لۆگئے مردمانی ھزمت و لوگئے کار و چلۆپگان گۆن انچۆ مشکولَ بنت که وتی جندا بێھال کننت.ھمے وڑا وتی جندئے ھئیال ندارگ وتی پرواہ ندارگ آیان مرگئے دپا کاریت و سرَ کنت.

ھمے سئوب اِنت که چُکّ ماتیئے ب وھدا بازێن ھۆن رێچگ و جٹکه‌ای نادراھی و دگه کسانێن جێڑهانی آ چه وتی گرانبھاێن زندا

چۆنها جنێنانی برابریئے راھبند کانود، بازێن این جی اوز و جنێنانی ھقانی گروکێن بازێن گلانی زُرتگێن گامگێج که اشان زرتگ بازێن وھدے ھمیشی سرا کار کنگا اَنت انگت سود مند نبوتگ…