The article below is not in standardized Baluchi. We are currently working on it and will provide an updated version soon

محرّم آغازادِہ وتی نبشتانکےءِتہا اسر ایران ویب سائٹءِتہا گوّشیت: اے راستی یے کہ نوکیں زبانےءِہیل کنگ یک نوکیں درے پہ زندءِمعناءِشوھازگءَ بلئے ایندگہ زبانءَچہ دَر ماتی زبان ہمے درءِجِند اِنت.

یکّےءَچہ ماتی زبان ءَ دُور کنگ ءُ ریپ دیگ ماں سرکاری زبانءِنامءَ(راجی زبان)ءُ نئیکہ آ زبان راجی زبانے،ءُ وانگجاھانی تہا ہمے زبان بس یک پوچکےءِبستارءَداریت۔ اے وڑیں بے سرءُپادیں گپانی جواب نیلسن منڈیلاءِلبزاں گوں دیگ بیت ” اگاں تو یک مردمے ءِ گوما ہما زبانءَگپ کن ئے کہ آ پہمیت ئِے آئیءِمجگءِتہا روت۔اگاں کسےّءِگوما ہمائی ماتی زبانءَگپ جن ئے آئیءِدلءِتہا روت اِنت ” .

تجربت ہمے گوْشنت کہ مردم دگے وڑ نہ انت وھدے آوانی جندءِماتی زبانءَکسّے گپ کنت ہمک جاگہءَہرکس ہمے جہد کنت کہ وتی زبانءِمردمے در بہ گیجیت پمیشکہ یکّیں زبانءِگپ جنَگ بے سوب نہ انت میولیناءِگشگءِردءَ.

اے ہژدری انت کہ میولینا ءِ لیکہ ماتی زبانءِارزشتءِکم کنگ نہ انت بلکیں آئی گشگ انت ماتی زبانءِارزشت گیش بہ بیت.

جوانیں وانگءِ ھکّءُاگبال مردمانءَدیگ بہ بیتءُ ایشیءِشرتر وڑ ہمیش انت کہ مردمانءَماتی زبانءَوانینگ بہ بیت ءُ ایشی بے سوبی ءِ سوب برابری یے موہ نہ دیگ انت.اگاں نودربرے فارسی ئے اگاں آئیءَرا ہمے زبانءَوانینگ بہ بیت آ گیش چیزاں در بارت چہ کردی ءُ ترکےءَچیاکہ وتی زبانءَوانگ انسانءَچہ چاگردی ءُ وانگی ردیءَآژنا کنت ءُ اگاں ھکموت چُش کنگءَاِنت گڈا .آ برابریں موہ دیگءَ نہ اِنت ءُ امیرءَگیش امیر کنگءَانت

ماتی زبان ءِ وانگ ءِ سوب:

۱. ماتی زبان ذہنی ءُ مارشتی جذبگانی اولی پدیانک انت دگنیاءِمارگءِاولی پدیانک چہ ماتی زبانءَکاینت زھگ وتی مجگءُ مارشتاں وتی زبانءِتہا دربارت بازیں چیزاں چہ ہمے پدّر بیت کہ چُکّ مجگءِاولی بنیات ھستیں ہما زبانءَجوڑ بنت کہ ہما لوگءَودی بِیت

۲. دگنیاءِکجام ام مردمے بہ بیت آ کجام ھندءِمردمے بہ بیت ءُ چنکس زبان آ گپ کن انت بلئے ماتی زبان اولی لوٹ انت نیکراھی ءُ ایندگہ رسمی چیزاں چہ ہمے گندگءَکئیت کہ مردم وتی مارشتانی درانگازیءَوتی زبانءَکنت ۔ ہمے ردءَ آوانی سوت،نازینک،موتک،بتل ءُ گوشتن ماتی زبانءَاَنت

۳. ماتی زبان; دلءُمجگءِزبان۔اگاں کسے وتی ماتی زبانءَگپ کنت آئی دلءُمجگ ءِ سیادی یک بنت ءُ ماتی زبانءَگپ کنگ توجیل دنت ءُ دومی زبانءَگپ نا وانندگ پیشداریت مردمءَ۔اٹالین رجانکارے ءِ ردءَ کہ انگریزی ءُ اٹالین دوئیناں زبانءَشیوار بوتگ یک تجربتے کنت انگریزی لبزاں چہ گیش اٹالین لبزاں مردم گیش سرپدءُجواب دئینت۔پروفیسر الیس مڈو پروربیو کاگنیٹیو الیکٹروفزیولوجی وانینت ماں (یونیورسٹی آف ملانو بکوکا )ام انچیں گپ جنت ماتی زبانءِبابتءَ

وتی زبان ربیدگی پجّارءِراہ نشان اِنت زھگ وتی ماتءُپت، کٹم، سیادءُوارس، ربیدگ، گوستانک، پجاّرءُنیکراھی. اے درستاں وتی زبانءَکن اَنت ماتی زبان ہمے راہ ءِ جوڑ کنوک انت.

۴. ماتی زبان ربیدگءِدیمءَبرئگ ءُ برجم دارگءِمستریں راہ اِنت ہما کہ وتی ماتی زبانءُ پجّارءَچہ بے گُمان انت گڈا آئی ءِ دلءِ تہا گُلزمینءِمھر نہ بیت ءُ ماتی زبانءَگپ کنگ پھرءُشانءِگپّے ءُ کسےءَچہ آئیءِماتی زبانءَزبھر کنگ ہمے وڑا انت شاھے چہ درچکءَجتا کنگ بہ بیت چون بیت ماتی زبانءِڈالچار کنگ ءُ دومی زبانے سرءَ دور دیگ راجی زبانءِنامءَیک ردیں کارے ۔ سرکاری زبان یا وانگجاہءِزبان ءِ راجی زبان نہ انت فارسی وانگی ءُ سرکاری زبان انت بلئے راجی زبان نہ انت ہپتادءُپنچ ءُ گیش ام بُوت کن انت درست ایرانءِراجی زبان انت

ماتی زبان دومی زبانءِہیل ءِ بنیات انت پروفیسر جم کمیونس گوشیت اگاں زھگےءِوانگ گوں جوانیں رنگےءَبہ بیت گڈا آئیءِ واستہ وانگجاہ ءُ ایندگہ کار آسان بنت

اگاں زھگے وتی ماتی زبانءِرپکاں سرپد انت دومی زبانءِہیل کنگ یک آسانیں کارے بِیت اے یک بلائیں اوشتے بیت کہ زھگے وانگءَنہ شتگ ءُ پیسرءَآئیءَرا وانگجاہءِزبان زانگی انت

امریکی ءُ یورپی ملکاں اے چیز گندگءَاتکگ کہ زھگانءَہچ وڑیں سکّی دیمءَنئیت چیاکہ ادءَ وانگجاہءِزبان وانینگ بوگءَانت بلئے ماتی زبان بیھال نہ انت زھگانی واستہ اے گرانیں کارے نہ انت کہ وانگجاہءِزبانءَہیل کن انت بلئے آوانی مھر گوں کٹم ءُ راجی ربیدگءَسندگ مہ بیت

چی کنگ لوٹیت؟

۱. شریں ءُ راجی کار بہ بیت ءُ ماتی زبان وانگجاہءَپیسرءُرند شر وانینگ بہ.

۲. ھکومت بائد انت موہ بہ دَنت ہما نودربراں کہ ماتی زبانءَوانگءَچہ زبھر انت.

۳. کم دستیں نبشتہ کارانءَمالءُمڈّی ءُ اداراتی کمک کنگ بہ بیت.

۴. اے ردءَیک بلائیں زلورتے پورا کنگ بیت پہ ہمانبشتہ کاراں کہ وتی جندءِزبانءَنبشتہ کن انت.

۵. چاپءُشنگکارءِموہ دیگ بہ بیت راجی زبانءَشنگکارانءَ۔.

۶. کلچرل سینٹر جوڑ کنگ بہ بنت آوانءَہر وڑیں کمک کنگ بہ بیت.

۷. انٹرنیٹ ،ریڈیو ءُ این جی او جوانیں وڑےءَکار بہ کن اَنت

۸. وانگجاہانی تہا ماتی زبانءِوڑءُپیم کنگ بہ بَنت.

Endofmonoling