The article below is not in standardized Baluchi. We are currently working on it and will provide an updated version soon

انّوگیں جاورانی تہا پنجاہ ءُ پنج ملک است کہ آوانی دپتری زبان یکّےءَگیش انت ۔ اے ردءَ بیستءُچار مُلک اپریکہءِتہا اَنت ءُ نوہ مُلک ماں ایشیاءَ ، سئے ماں امریکہءَ،دہ یورپءَ ءُ ننوہ اوشیانا ءَ اَست انت۔ ءُ چندے مُلکانی تہا ہچ وڑیں دپتری زبان مناّرینگ نہ بُوتگ چوشکہ امریکہءُآسٹریلیا۔

چونہا ہما زبان دپتری زبان جوڑ بیت کہ آئیءِ گپ جنوک گیشتر انت ءُ آ زبان سیاسی توان انچو گیش اِنت کہ آ وتءَدپتری رنگءَرکیّنت کُت کنت۔ اسپین ءِ تہا یک دپتری زبانے (کاسٹیلانو) بلئے آئی ءِ درسد آباتی کیٹلان زبانءَگپ جن انت۔ہمےواستہ برے برے ملکانی مزنیں زبان زوراکءِزبان بیت آئی ءِ جھمنندانی نہ بیت۔ یک چیزےءِگیشینگ الّمی انت کہ راجی زبان ءُ دپتری زبانءِنیامءَ۔اگاں وھدے راجی زبانءِگپ بیت گڈا زمینءُزبانءِسیادی گندگ بیت۔ ہما زبان کہ آئیءِگپ جنوک ہما ڈیھءِجھمنند بہ بنت(ءُ اے یک راجی استانے بیت)اے درگتءَراجی زبانانی تہا یک زبانے دپتری زبان بیت

ملکانی تہا یک زبانےءَگیش دپتری زبانءُیورپءَزبانءِھستانک بیست ءُ ھپت یورپی استانانی تہا ششءِدو دو دپتری زبان اَنت

اے ملک اَنت;ببیلجئم ءِسئے دپتری زبان اَنت (ڈچ،جرمن،فرانسیسی)لگزمبورگءِام سئے دپتری زبان اَنت(لگزمبورگ،فرانسیسی،جرمن) مالٹاءِدو دپتری زبان اَنت(مالٹیز،انگریزی)آئرلینڈءِدو دپتری زبان اَنت (آئرش،انگریزی) فن لینڈءِ دو دپتری زبان اَنت(فِنش،سویڈش)ءُ ہمے ھسابءَ سپرسءِ ام دو دپتری زبان اَنت (ترکیءُ یونانی)

سوئزرلینڈ کہ سشنگن دمگءِباسکے ءُ چہ یورپی یونینءَدَر انت بلئے آئی ام چار دپتری زبان انت چشکہ جرمن،فرانسیسی،رومانش ءُ اتالوی اَنت

اے درستاں ملکاں دپتری زبانانی یکیں ھیسیت ءُ ھکءُاگبال اَنت۔  ءُ ہما ھندءُ جاگہ کہ آوانی زبان کمءِتہا اِنت آوانءَام آوانی جندءِزبانءِتہا درستیں آسراتی دیگ بوگءَانت

وانگی ردءَنودربر یک دپتری زبانےءَواننت اگاں آ بلوٹ اَنت گڈا آ دگے دپتری زبانے ءَ ام ونت کن انت دومی زبانءِھیسیت ءَ اے چیز ہمک ملکءَجتا جتا اِنت اے بھرءِتہا ہما ما مزنیں زبانی ھستانکی کساسءِسرءَ گپ جنیں اے یونینءِتہا بیلجیئم ءُ لگژمبورگ ھوار اَنت

بیلجئیم; چیا یک زبانےءَگیش دپتری زبان انت؟

بیلجیئم روبرکتی یورپءَانت ءُ سیمسر گوں جرمنی،نیدرلینڈءُفرانس ءَ اَنت ءُ آباتی دو زبانءَگپ کنت ۔ شست درسد بیلجیئنز گوریچانءَدمگاں،ڈچ یا کہ ہمیشی ءِ گالوارے بیلجیئن ڈچ ءَ گپ کن اَنت ۔ ءُ چِل درسد آباتی فرانسیسی گپ کنت

بروسلز بیلجیئم ءِ دارالھکومتءَ فرانسیسی ءُ ڈچ مزنیں کساسےءَدپتری زبانءِھیسیتءَکارمرز کنگ بنت ھکومتی ادارھانی تہا۔

جرمن کہ تہنا یک درسد بیلجئنز آباتی گپ کنت ملکءِسیمی دپتری زبان اِنت۔ جرمن گپ جنوک لیج ھندءِنندوک انت کہ جرمنیءِسیمسراں لگّیت ءُ اے زبان چہ ڈچ ءُ فرانسیسی ءَ کم گپ جنگ بہ بنت ءُ جرمن گپ جنوک اولی مزن جہانی جنگءَپد ھور کنگ بوتگ اَنت

سے زبانءِدپتری جوڑ کنگءِمستریں سوب سیاسی چست ءُ ایر بندات بنت وھدے فرانسیسی گپ جنوک ءُ فلیمش گپ جنوکانی نیامءَبندات بیت ءُ اے ستک دارگ بوتگ کہ فرانسیسی گہ گپ جنوک شرتریں زندے گوازینگءَانت

ہمے واستہ کانود جوڑ کنوکاں اے سالانی تہا بازیں کانود آؤرتگ کہ دوئیں زبانءِمردمانی واستہ چاگردی برابری آرگ بہ بیت. اے زباناں ھوار دگے زبان ام گپ جنئگ بنت آوانی انگریزی،لگژمبورگ،پیکارڈ،والون (فرانسیسی ءِ گالوارے) ءُ یدش (بیلجیئن ءِ یہودی مردمانی زبان) اے زبان ام لس انت اودا

بیلجیئن ءِ وانگجاہاں کجام زبان وانینگ بیت؟

ہژدہ سالءِعمر داں وانگ ہژدری ءُ مپت انت ءُ ڈچ ھنداں ڈچ،فرانسیسی ھنداں فرانسیسی، جرمن ھنداں جرمن انت ھمک ھندءَھما زبان انت. بروسلزءَسوج دیگءُوانینگ ءِ زبان چُکّانی مستری یے سرا انت کہ آ فرانسیسی یا ڈچءَزرت کن انت . بلئے بیلجیئن ءِ ھکومت ءَ کانود آؤرتگ کہ سرجمیں ملکءَوتی ماتی زبانءَوانگ ءِ ھک است ایشی ءِ متلب ایش انت فرانسیسی گہ جنوکیں کٹم وتی ماتی زبانءَونت کن انت بِلّے کہ آ ڈچ ھنداں نشتگ انت

دپتری زبان ءُ بیلجیئنءِایڈمنسڑیٹیو جوڑشت

ملکءِبازیں چیزاں چہ ہمے گندگءَکئیت کہ اودا زبانءِآجوئی است انت ءُ چہ سدسالءَاے برجاہ انت ءُ ھکومتءِکارانی تہا تہنا فرانسیسی گپ جنگءُکارءِزبان بوتگ ءُ تہنا فرانسیسی یکّیں زبان منّگ بوتگ

ہزژدہ سدءُہپتاد ءُ ھشتءَلس آشوبے بنا بوت ءُ ہمیشی یے بروردءَ ڈچ ام دپتری زبان جوڑ کنگ بوت بلئے پدا ام آمید گس ءِ گپ ءُ گالانی تہا فرانسیسی گیش کارمرز کنگ بوتگ

ہزژدہ سدءُہپتادءُھشتءَڈچ ماتی زبانءِ رکینگءِواستہ جہد بنا بُوت ءُ ڈچءَدپتری زبان جوڑ کنگءَپہ جہد بنا بوت دانکہ ھکومتی ادارھانی تہا ڈچ ام آرگ بہ بیت،بروسلز کہ اودا فرانسیسی گپ جنوک انت اودا ام آرگ بہ بیت ڈچ زبان ھشت سد ھشتادءُسےءَگون سیمی کانودءِآرگءَپارلیمنٹءِتہا کہ ماتی زبانانی رکینگءَواستہ بیت ہمدا چہ ڈچ زبان وانگءِزبان جوڑ بوت بیلجئیم ئے۔

ہژدہ سدءُنودءُھشتءِ برابری ءِ کانود ءِ آرگءَ گوں فرانسیسی ءُ ڈچ ہر جاگہءَبرابریں ھیسیت دیگ بوتگ انت درستیں ایڈمنسٹریٹیو،وانگ،لشکری ءُ ھندی کارانی تہا جھمنندانءَبرابریں مُز دیگ بوتگ کہ وتی زبان یا کہ ہما جھمنندانی زبانءَزرت کت کنت

ءُ آسرءَ نوزدہ سدءُشستءُہپتءَ ڈچ زبانءَبیلجیئن ءِ راھبند ترّینگ بوت ءُ بلیجئیم ءِ درستیں کارانی تہا سئے ئیں زباناں برابریں ھکءُاگبال دیگ بوتگ انت پہ درور ریلوےءَبگردانکہ نوٹسانی تہا زبان ڈچ ءُ فرانسیسی انتءُ جرمن نندوکیں دمگاں جرمن ءَ ھوار اے دوئیں زبان ام است انت. ہر دہ سالءَپد مردم شماری ءَ پد دپتری زبان ءِ وس ءُواکانی چارگءِواستہ ءُ جوانیءَزلورتانی پیلو کنگءَشرّیں آسراتی دیگ بہ بیت

لگژمبورگ;سئے زبانانی تپاسگءِجتائیں راہ

اے کسانیں ملکءِ تہا کہ جی ڈی پی ءِ دگنیاءِ تہا دومی نمبر ءَ اِنت سےء ئیں زبان لگشربورگش، فرانسہی ءُ جرمن دپتری زبان اَنت ءُ یورپی چہ آؤکیں مردمانی آیگ ءُام انگریزی ءُ پرتگیزی لس زبان جوڈکنگ اَنت

چہ کینیڈا،سوئزرلینڈ ءُ بیلجیئم ءَ اودا زبانءِبھرءُبانگ ھندی آباتی ءِھسابءَاِنت ءُ لگژمبورگ ءِ کرّا اے عملی کارے ایشی متلب ایش انت زبانءِگچینی ہمودءِجاورانی ھسابءَاِنت

نوزدہ سدءُہشتادءِکانود ردءَ ملکءِراجی زبان  لگژمبورگ انت ءُ کانود فرانسیسی زبانءَ اِنت ءُ استان سئے زبان کارمرز کنت;لگژمبورگش،فرانسیسی ءُ جرمن اَنت۔ کانودءِردءَ “اگاں شہری یے اے زبانانی تہا کجام زبانءَام جستے بہ کنت گڑا آئیءَرا ہما زبانءَایڈمنسٹریشن پسو دیگ ئے جہد ءَ بہ کنت”

لگژمبورگءِوانگجاہاں درستیں نودربر سئے ئیں زباناں بوان اَنت بلئے اے کارءِواستہ نودربرءِعمر چارگ بہ بیت ۔ ہمے وڑا بنکّی وانگجاہانی زبان جرمن اِنت ءُ درشان کنگ ءِ زبان لگژمبورگش انت ءُ ہمے وڑا اگاں آوانی عمر مزن بوْان کنت کنت فرانسیسی بندات بوْان بیت ءُ مزن وانگجاہاں درستیں چیز فرانسیسیءَوانینگ بنت

سئے ئیں زبان لگژمبورگءِپارلیمنٹءِتہا کارمرز بنر بلئے کانودانی سرا ووٹ فرانسیسی ءَ بنت  ءُ سئے ئیں دپتری زبان رسانک،اھوالکاری ءُ ملکی ایندگہ چیزانی تہا جوانیءَگوں کارمرز بنت

اے گپءِتہا چے راستی است کہ اے مُلکانی تہا یکءَ چہ گیش دپتری زبان کارمرز کنگ بہ بیت؟

اے مُلکانی تہا، یک مسترین وجہءِ چہ یکءَگیش وڑوڑیں دپتری زبانانی کارمرز کنگءِ اش انت کہ اے چاگردانی ھما گوستانکی پیچ و تاب ھمے وڑا اے مُلکانی لینگیویج میپ ءَ چہ پّدر انت اے مُلکانی بس  یک لس  زبانے چہ راجانی تپاکی گیگ نہ بیت

اسلءَ اے مُلکانی زبانءِ میپ ھمے پیشداریت کہ ادا وڑوڑیں زبانانی مردم جتا جتائیں ھندءُدمگاں سیادی دار اَنت۔ ھمے وڑا اے چاگردانی تہا سرءُپر او ھر کس وتی راجی پجارءَ یک بیرک ءِ او کانودےءِ بوھگءَ زور دئینت، یک لس زبان راجی تپاکی ءِ بنشت بوت نہ کنت۔

مزنیں کساس ءَ مردُمانی لڈ ءُ بار، جنگ ءُ بیپار وجہءَچہ  گوستگیں دو سد سال ءَ او دگہ نوکیں حدانی با ئینگ چہ توکی سرکار ءِ رزامندی ءَ، ھمے وڑا مزنیں کچےءَ  وڑوڑیں مہلوکانی آباتئ ءُ پدا بازیں زبانی ءُ ربیدگءِ مردمانی گوں یک نوکیں حد ءَ نندگ ءُ پدا ھمےراجکاری میراس مُلکے ءِ بنت

آیا باز زبانءِبوگ ملکی تپاکیءَپروشت کنت؟

ربیدگی چستءُایراں ابید ءُ مردم شماری تپاوتءَچہ در اے متلب نہ انت کہ آ یک راجی پجّارےءَچہ شموشکار اَنت۔ پہ درور سوئس ءَ بزور آواں مدام ہمے زور داتگ فرانسیسی گپ جنوکیں سوئس فرانس ءِ بھر اَنت ءُ ہمے وڑا جرمن گپ جنوکیں سوئساں کدی نہ گشتگ کہ آ جرمنی ءِ بھر انت ۔ زبانءِسمیسر کدی ام گوں ایڈمنسٹریٹیو سیمسراں ھور نہ بنت ءُ دو زبان یا سئے زبان ام بُوت کن اَنت

سوئزرلینڈءِتہا زبانءِسیمسر کدی ام گوں نیکراھی سیمسراں ھمدپ نہ بنت ءُ اے وڑیں ہچ سبوت نیست کہ جرمن گپ جنوک درست پروٹسٹینٹاں ءُ فرانسیسی گپ جنوک کیتھولک انت ءُ فرانسیسی گپ جنوک جنیوا،واڑ ءُ نوشاٹِل ءَ یک بلائیں کردے پیلو کُتگ پروٹسٹنزمءِدیمءَبرگءِواستہ ماں سوئزلینڈءِتہا

یک دپتری زبانےءِگیش ءِ چنچو نپ اَنت؟

یک زبانےءَگیش دپتری زبان بوگءِنپ ایش اِنت کہ اودءِجھمنندانی نیامءَسیادی ءَ گیش کنت ءُ “زبانی ءُ ربیدگی برداشت” ءُ چاگردی پیچ ءُ تاباں کم کنت.

اے چہ ھکومتءِنیمگءَکنگ بوتگ کہ چاگردی مزنیں بدلی آرگ بہ بیت ءُ درستیں آباتی ءِ واستہ یک ھسابیں موہ پیداک کنگ بہ بنت ءُ ہمے ھسابءَدرستیں چیز یکیں ھسابءَدرستانی سرءَبھرءُ بانگ بہ بنت

ایشیءَبید یک دپتری یا سرکاری زبانءِبوگءَکسانیں زبانءِگپ جنوک وتی ربیدگی ھیسیتءَداشت کن انت ءُ آوانی مول ءُ واھگ ہماوانی ھسابءَبنت ءُ راجی سنچ مھکم دارگ بیت. یک سرکاری زبانےءَگیش بوگ ءِ دگے جوانی ایش انت کہ ادارھانی تہا بودشت پیداک بیت کہ شہریانی لوٹاں ہماوانی زبانءَپیلو بہ کن انت ءُ اے ام الّمی نہ انت آ درستیں سرکاری زباناں بہ زاننت

ملکی تہی سیمسرانی تہا یک زبانےءَگیش بوگءِنپ ایش انت کہ آ وتی ماتی زبانءَرکّینت کن انت ءُ وتی زبانءَلس کاراں کُت کن انت. اے وڑیں چاگردانی تہا ہرکسی ربیدگءُزبانءِرک بیت ۔ اے وڑیں کانودانی آرگ صوبہ آں گوں بنجاہءَگیش نزّیک کنت ءُ بازیں چیزانی تہا بدلی کئیت ءُ دوریں ھندانی جیڑہ ام ھلاس کنگ بنت

یک سرکاری زبانےءَگیش بیوروکریسی ءُ ملکی ایڈمنسٹریشن ءَ ودّینیت صوبہ ءُ استان دوئینانی تہا ۔ “بازیں سرکاری زبان” کار راھبند ھکومتءِتہا بیوروکریسی ءُ ایندگہ نزوریانی شونداتءَکنت ءُ ہمے ھسابءَبازیں پڑانی کار گیشینگ بنت یا کہ ہما ادارہ نوں ناکارہ بوتگ انت آ جوان بنت

بازیں زبانانی بوگ ءِ متلب اے نہ انت کہ اودا چاگردی ءُ ربیدگی جیڑہ ھلاس بنت انگت اودا فلیمش ءُفرانسیسی نیامءَاست انت بیلجیئم ءَ۔دوہزار شانزدہ ءَ پانزدہ ہزار مردمءَاے چیز دیمءَآرگ بوت چہ راج دوست ءُ رائٹ ٹولیانی نیمگءَکہ لگژمبورگش اولی سرکاری ءُ راجی زبان بہ بیت

اے پٹیشن سرجمیں ملکءَایراد گرگ بوت بازیں لگژمبورگ ءِ زانوگراں اے چیز اےچم ءَ چار اِت کہ باز زبان بوگ نہ تہنا لگژمبورگش زبانءِواستہ یک ھترہ ئے بلکیں بازیں دری مردم ام وتی نیمگءَچکّءُچیل کتگ انت ءُ پہ زور آ ءُ آوانی کٹماں ام لگژمبورگش در برتگ

تہنا لگژمبورگش ءِ سرکاری زبان بوگ پہ ہمساھگیں ملکاں دوری پیداک کُت کنت چیا کہ دری آسراتیاں گوں ما بندوک انت

توَسُت End of Monoling