رجانک: بیبرگ بلۆچ

سلام ھر ھما مازورێن زھگان و آیانی مات و پت، من آیان باز شاباشی دئیان، ائول سرا آیانی سبرا که اے جاورانی مُشکلاتان برداشت کنگا اَنت و دومی آیانی دوستی په وتی مازورێن زھگان که آیان چه ھچ اُمێت دارگ نبیت،

شاباش اِنت یونئٹڈ نیشنزا و آییئے ممبران که آیان دو میان استمانی انسانی هکّانی رازی نامهئے سرا امزا کُرتگ که آ مازورێن چُکّانی هکّان رَکّێننت. اے دو رازی نامه چُکّانی هکّانی و مازورێن مَردُمانی سرا اِنت، پاکستانا هم دوێن رازی نامه سرا امزا کرتگ‌اَنت و منّتگ‌اَنت.

اِدا اے گپّ مازوری اِنت که وھدے که دوێن رازی نامه امزا بوتگ‌اَنت اے زمانگا پاکستانا ppp ئے سرکار بوتگ، آیان اے کدم زرتگ‌اَت بله اِشانی سرا اَمَل درآمد کنگ سک مایوس کن بوتگ، اِدا آ دگه گَل یل دئیگی نه‌اِنت که آیان رازی نامهئے داتگێن کارانی سرا اَمَل نَکُرتگ. اے وڑێن مسئلان ریاستئے

کار اِنت که جوابدہ ببیت و اے سکێن شرمیێن گپئے مئے مُلکئے آبادیئے تها زھگ گێشتر ڈالچار اِنت بلِّی که کُجام گَل سرکارا اِنت. گۆن بلاێن رنج و بے اُمێتیا ھاسێن زھگانی مات و پتان اُمێت داشتگ اَت که اے رازی نامها چے که آیان آسودگ کنت بله ھچ نبوت.

اے رازی نامها ھاسێن زھگانی هکّانی سرا زور داتگ، تان ارٹیکل 23 چُکّانی هکّانی رازی نامهئے سرا زۆر دنت که ھر ھما زھگ که زھنی ھئواله یا جسمانی ھئواله کمزۆر اِنت آیان اے هکّ دئیگ ببیت که وتی زندگیا آ دگه زھگانی پئیما چاگردئے تها بُگوازێننت. په ریاستا اژدری اِنت که آ ھما مردمانی مدّتا بکنت که آ اے ودابی زھگانی واستا کار کنگا اَنت و ھما چُکّانی مات و پتان تانکه چُکّ آسودگ ببنت و آیانی رتبه آ دگه چُکّان چه کم مبیت.

، CRPD اے ھاسێن زھگانی زرورتانی سرا زۆر دنت که وھدے آ جسمانی رُد اَنت مزن بنت. اے گپّ جنت که وھدے ھمراییا اے زھگانا آسودگی دئیگ ببیت. سرکارئے کرا اِشان چه گێشتر لۆٹگ بے

وجه نه‌اِنت، اے ریاستئے زمّه واری اِنت که ھمے کارانی سرا تپاسگ بکنت که رازی نامهئے تها نبشتگ‌اَنت که هما وھدا امزا کنگ بوتگ انت.

انگتا باز پئیمێن مازوری هست‌اِنت که دنیائے تها کندگ بنت، اُلوم پزشکی انگت پٹ و پۆل کنگا اَنت که پرچا اے مازوری هست‌اَنت. اے مازوریان چه بچّگ سکّ مُشکل اِنت.

مازوری دو دابا گیشێنگ بنت، لهتێن زھگ شر بوت کننت وھدے ٹرینگ و سر و سۆج کنگ ببنت تانکه آ وت وتی دلگۆشیا بکننت و دومی مردمئے سرا مکپ اِنت، بله لهتێن مازوری هست‌اِنت که آ انچُش اَنت که آ اے پئیما مدّت کنگ نبنت. اے زھگ سکّ وتی مات و پتانی سرا اَنت په چئیٹگا، آیانی کرا ھچ آسراتی نێست‌ په اے زھگان، اے زھگانا سکّ مدّتئے زلورت اِنت، آسراتی و زَرّی مدّتے.

من وت انچێن زھگانی مات و پتان زانان که آ سکّ زَرّی و مارشتی جنجالانی دێمپان اَنت، منا لگّیت

که دئولتئے اے پئیمێن ڈالچاری چه اے مَردُم تاوان اَنت، اے هما مردُم اَنت که مئسومێن جْوان اَنت که آیانی آواز گۆشدارگ نبیت، همے دابا آ گێشتر جنجال اَنت.

اگن ماهره (اسلی نامے نه‌اِنت) بچارێن که منی یک دۆستئے زھگ اِنت، که کَسان بئیگئے مسئلا بوتگ microcephaly، آییئے دماگئے رُدۆم نبوتگ شرێن پئیما پمێشکا زهنی هئوالئیا ھراب اِنت. اے دابا آییئے جسمانی کاران سکّ اسر زرتگ، آییئے sweat glands ھچ کار نکننت و دردئے اهساسات چه جهلی نێمگان ھلاس اَنت، آییئے ھچ کنٹرُل نێست وتی جسمئے سرا، ماهرہ سکّ سنبالگ لۆٹیت وھدے آ آگاہ اِنت و آییا سردێن جاهے لۆٹیت وھدے آییئےجسمئے سردی و گرمیئے برابر کنگا.

ھما مَردُمان که آیان اے پئیمین چُکّ رۆدێنتگ‌اَنت آ شرّ زاننت اے چۆن مُشکل اِنت که یک زھگے اے پئیمێن ھالت ببیت، یک ماتے اے پئیمێن مارشتی جنجالانی تها ببیت سکّ پرێشان بیت. په ماهرهئے هاندانئے مَسترێن مسئله برگ بوتگ که آییئے بِل سکّ آتکگ ، پرچا که KE سکّ برگ استمال کننت.

یک ریاستے چۆن مدّت کُرت کنت اے دابێن هالاتانی تها؟ یکے پروگرام بکنت که BISP اهساس اِنت اۆدا اے دابێن چُکّانی مدّت کنگا شرو بکنت. اگن گئیس و برگئے گپّ کئیت که اۆدا چُشێن زھگ هست گڑا بِل کم کنگ ببنت، نادرا اے کهرا مازورێن زھگانی نام هست اَنت اۆدا چے چارگ ببنت و مَردمانی تها زانت پێداگ کنگ ببیت ھاسێن زھگانی بابتا.

اے ربئے نێمگا سزا اے نه‌اِنت که اے زھگانی مات و پتانی سرا آتکگ. اے گپّ چاگردئے ھر نێمگا سر کنگ بیت.