The article below is not in standardized Baluchi. We are currently working on it and will provide an updated version soon

رجانک: کریم بلوچ

یک پیدایشتی کورے ، بینایینے ءَ جست کت : « شیر ءِ رنگ کجام انت ؟»

بینا گوئشت : « شیر ءِ رنگ ، کاگد ءِ رنگ ءِ داب ءَ اسپیت انت. »

کورءَ جست کت : « چون ، اے رنگ هنچو شپیت و آواز دنت وهدے که دست ئی پرکن ئے ، چو کاگد ءِ داب ءَ ؟»

بینا گوئشت : « نه ، آ ، اسپیت انت هنچو آرت ءِ وڑ ءَ . »

کور ءَ جست کت : « چون ، باریں ، اسپیت هنچو آرت ءِ داب ءَ نرم انتو آرت ءِ داب ءَ شَپ ایت و رچ ایت ؟»

بینا گوئشت : « نه ، آ تهنا اسپیت انت ، هنچو زمستان ءِ سیهڑ و کرگوشک ءِ داب ءَ .»

کور ءَ گوئشت : « چون اسپیت ، نرم و نرم مودیں و نرم پُٹـینے چوکرگوشک و سیهڑ ءَ . »

بینا گوئشت : « نه ، اسپیتیں رنگ ، دلجم و پَـکّ ، بَـرپ ( برف ) ءِ رنگ انت .»

کور ءَ گوئشت : « چون آ ، برپ ءِ داب ءَ گـُوَهر و سارت انت ؟ »

هـَو ، بینای ءَ چینچو دَروَر و مَـٹّ گوئشت انت ، بلے کور سَر پَدنه بیت که شیر ءِ اسپیتیں رنگ ، کجام انت .