گِلَّڑُک
The article below is not in standardized Baluchi. We are currently working on it and will provide an updated version soon.
روس ءِ گیدی آزمانک
ترینوک: کریم بلوچ
گوَشتَ کنین که چه ڈَنّی زبانان لبزانکی رجانک مان بلوچی ءَ نبئیگئے هساب ءَ اِنت. روس ءِ گیدی آزمانک، «گِلَّڑُک » کریم بلوچ ءِ یک کوشست ایں که ڈَنّی لبزانک ءَ بلوچ استمان ءِ نیام ءَ بپَجّارینیت.
است ات یک پیره مرد و یک پیره زالے۔ یک روچے پیره مرد ءَ پیره زال ءَ گوشت: برو! پیرہ زال شیکن ءَ ٹُک بہ جن ، گوال ءَ ھم جوان بہ چَنڈ، گلیب ءَ ھم تو بہ کَرّ، دَنزاں هم مُچ بکن، بچار باریں په یک گِلّڑکیں نانکے ، آرت مُچ ءَ بیت .
پیره زال شت گلیپی هم کَرّ ات ، شیکن ءَ هم ٹـُکّی جت ، گوالی هم جوان تَکینت ، دَنزی هم مچ کتنت ، دو مُٹ آرت در آتک. آرتانی ترکت و سُرُشت انت ، یک گلڑیں چانگے بیت انت .
روگنانی تها سُهری کت و ،تاگ ءَ ایری کت تاں سارت بیت . گلڑک همودان ایر ات و ایرات ، یگبرے که سُر ات و لیٹ وراں بوت چه تاگ ءَ چارپادگ ءِ سرا و چه اودان ڈگار ءِ سرا لیٹ وراں بوت تاں که دروازگ ءَ رَست ،سِٹی کت درا ماں ساهگ ءَ ، چه ساهگ ءَ تاں مهمانجاه ، چه اوداں تاں پیژدر ءَ ، چه پیژدر ءَ تاں سراد ءِ دروازگ ءَ ، و درا و دیمتر ءَ …
لیٹ وران ات گلڑک ، پَنداں بُرّان ات گلڑک . تاں که هرگوشکی دیست :
_ گلڑک اَؤ گِلّڑک ، من ترا وراں !
_ منا مه ور کرگوشکک ، من پتو شئیرے گوئشاں :
مناں گِلڑُک ، من گِلڑک
په من گلیپ اش کَرّتگ ، په من گوال اش چَنڈتگ ، په من شیکن اش ٹُک جتگ
آرت ءِ دنز اش مچ کتگ
منا گوں شیر اش تَر کُتگ
روگن اش گوں سُهر کتگ
تاگ ءِ سراش هم نادینتگ
من چه پیرک ءَ شتاں ،
من چه بلک ءَ شتاں ،
چه ترا هم, من دیمتر ءَ رواں !
راه ءَ لیٹ وراں و دیما رواں بوت _ تهنا کرگوشک آئیا دیست و بس ! گلڑگ لیٹ وران ات ، گرگ آئیا دیست :
_ گلڑک ، اَو گلڑک ! من ترا وراں !
_ منا مه ور هاکی ئیں گرک ، من پتو شئیرکے جناں :
مناں گِلڑُک ، من گِلڑک
آرت ءِ دنز اش مچ کتگ
منا گوں شیر اش تَر کُتگ
روگن اش گوں سُهر کتگ
تاگ ءِ سراش هم نادینتگ
من چه پیرک ءَ شتاں ،
من چه بلک ءَ شتاں ،
چه ترا هم, من دیمتر ءَ رواں !
لیٹ وران ءَ دیمتر ءَ بیت روان !
لیٹ وران ءَ بیت روان ، دیمتر ءَ مم گوانک جت :
_ گلڑک ، اَؤ گِلڑک ! من ترا وراں !
_ چوٹ دستیں مم ، تو چون منا ورئے ؟
مناں گِلڑُک ، من گِلڑک
آرت ءِ دنز اش مچ کتگ
منا گوں شیر اش تَر کُتگ
روگن اش گوں سُهر کتگ
تاگ ءِ سراش هم نادینتگ
من چه پیرک ءَ شتاں ،
من چه بلک ءَ شتاں ،
چه ترا هم, من دیمتر ءَ رواں !
پدا چِدا هم لیٹ وراں، چه مم ءَ بیت دور بیاں !
لیٹ وران ات راهچار، روباه دات توار :
_ گلڑک ، اَو گلڑک ! تو کجا- لیٹ وَرُک ؟
. راهاں کن ئے سَرُک _
مناں گِلڑُک ، من گِلڑک
آرت ءِ دنز اش مچ کتگ
منا گوں شیر اش تَر کُتگ
روگن اش گوں سُهر کتگ
تاگ ءِ سراش هم نادینتگ
من چه پیرک ءَ شتاں ،
من چه بلک ءَ شتاں ،
چه ترا هم, من دیمتر ءَ رواں !
گوئشت روباه که : گلڑگ منی زبان ءِ نند سَرُک، گڑاں تو وان ئے وَشتِرُک
! پر منا تو شئیرے گوئش
آرت ءِ دنز اش مچ کتگ
سٹی کتگ چو گلڑک، روباه ءِ زبان و نُکّ
روباه هما دمان ، آ – وارت ، دپ ءَ بندی کرت و جات
