The article below is not in standardized Baluchi. We are currently working on it and will provide an updated version soon.

بشتانک: سمیه حفیظ

اے آسانیں پیسلہ ئے نہ اَت۔اکنامکس وانگءَ پد فیاض کہ سی سال عمر انت ئِے ءُ آئیءِ لوگبانک ھم آئیءَ دلبڈّی دنت پہ پدءَ شھدربرجاہءَ بہ روتءُ پینٹنگ بہ وانیت۔ہمے جنوریءَ آ نیشنل کالج آف آرٹس لاہورءَ چہ وانگءَ آرٹسءِ تہءَ سرجم کنت۔

اے سپر آسان نہ بُوتگ چیاکہ بنداتءَ آئیءَ نملءَ چہ اکنامکسءِ ڈگری کُتگ ءُ پدءَ وتی کسانیءِ ھُبّءِ نیمگءَ اتکگ ۔

اے درستیں سالانی تہءَ آ انگت وتی ھما کسانیءِ استادءَ یات کہ آئیءَ آرٹ وانینتگ آئیءِ نام مِس اصیفہ اَت ءُ یکروچے آئیءَ نودربرانءَ گوْشت کہ سروپے جوڑ بہ کن اَت۔

“دومی روچءَ من ئِےھدے وتی ڈرائنگ آئیءَ پیشداشت آئیءَ باور ھم نہ کُت کہ اے من جوڑ کُتگ” پدءَ آئیءَ منءَ گوْشت ایشیءَ وت جوڑ بہ کن ۔

پدءَ منءَ گوْشت ایشیءَ بورڈءِ سر جوڑ بہ کن دانکہ من بہ زاناں اے واکی تو جوڑ کُتگ۔ وھدے من جوڑ کُت گڑا آئیءَ منءَ بگلءَ کُتءُ گوْشت وتی کارءَ برجم بہ دار۔

اے بنداتی دلبڈّی ءَ آئیءِ تہءَ آرٹءِ ھُب گیش کُت۔چہ کسانیءَ آئیءَ جتا جتائیں پینٹگ جوڑ کُت ءُ آرٹءِ دگنیاءَ گوں دلگوش بُوت۔

کوئٹہءَ ودی بوتگیں ازمکار مُدام ابرمءِ تہءَ وتی آرٹءَ شوھاز ایت  چیاکہ اے ھما جاہ اِنت کہ اودءَ آئیءِ جُستانی پسّو دست کپیت ۔

چہ این سی اے ءَ آئیءَ منیئیچر پینٹگ کُت ” من ایرانءُ فارسی منیئیچر پینٹگ دربُرت چیاکہ اے گیش چہ مغل ءُ فارسی ءَ چہ سان زرتگیں چیزے ” چہ وتی مزنیءِ سوبءَ ما ایشاں منیئیچر گوْشت نہ کن ایں بلئے ایشانی تہءَ یک کسّہ ئے ھَست اِنت۔

اے مغل اھدءِ پینٹگ مردمءَ گیش بلوچءُ بلوچستانءِ یاتءَ گیجنت سوب ہما ندارگ ءُ اکس اَنت کہ آواں جوڑ کُتگ اَنت ۔

آئیءِ پٹءُ پولءِ تھیسسز ءِ نام اِنت “آکبت” ءُ ایشیءِ واستہءَ آئیءَ کار کُتگ بلوچستانءِ کنڈ کنڈ ئِے گول اِتگ اے سپرءِ وھدءَ من نہ زانتگ اَت کہ منی چی بیت بلئے من وتی کار برجم داشت اَنت ڈیرہ بگٹیءُ پیرکوہءِ وڑیں جاگہاں شُت آں اودءَ ڈُکاّل اَت من بولان ، نصیر آباد ءُ ہنگول نیشنل پارکءَ شُت آں

من کساس دوہزار اکس کشّ اِت وھدے من ایشانی چارگ بندات کُت تہ منءَ لہتیں پیٹرن دوست بُوت ایشانی تہءَ دلوت ءُ جون مان اَت ءُ من ہمیشانی اکس گرئگ بندات کُت اَنت اے سپرءَ آئیءَ گوں ھاک،کوہءُ پُل آؤرت اَنت گوں ۔

عاقب بُریءِ ورکشاپءَ پد آئیءَ ھمے وتی تھیسزءِ تہءَ کارمرز کُت اَنت درستیں چیزئِے چہ وت جوڑ کُرت اَنت۔

وتی تھیسزءِ تہءَ من ھاک،موسم ءُ دلوتانی پجّار ءُ آوانی گوں یکّےءَ دومیءَ سْیادی ءِ گوناپ دئیگءِ جہد کُت۔ءُ ہمے پیمءَ سیرکگءُ ویرانگیں ڈن آئیءِ اکسانی تہءِ مستریں بنھشت اَنت ءُ اے ندارگ منءَ دوست بنت ۔

مرگ شئےءِ ھلاسی نہ انت ءُ ہمے دمگاں کہ سک ہشک اَنت ءُ زندگی گار اِنت ءُ اے وڑیں مرگ بازیں چیزے واتر کار ایت ۔زندگیں چیزے مریت ھاکءُ جَس بیت زمین ایشیءَ پدءَ زندگ دار ایت۔

گوں ازمءَ آئیءَ مجّتی مھر بُوتگ بلئے وھدے آ کیڈٹ کالج مستونگءَروت تہ اودءِگرانیں ماھولءِ تہءَ ازمکارےءِ واستہ ہچ وڑیں راہءُ دگ نیست۔

انگت آئیءَ وڑے نہ وڑےءَ اے کارانی تہءَ بھر زُوران کُتگ ءُ کالجءِ فائن آرٹس کلبءِ تہءَ اول بُوتگ۔کالجءِ نیمگءَ چہ آل پاکستان ٹور ءِ وھدءَ وھدے آ این سی اےءَ شُت اَنت تہ آئیءِ سنگتاں گوْشگ کہ فیاض تئی جاگہ ہمیش انت بلئے آئیءَ گوشت من ادءَ گُژنءَ مِراں ءُ آئیءِ ردءَ منءَ آ وھدءَ اینسکیں زانتے گوں نہ بُوتگ۔

مستریں سوب چاگرد انت کہ اودءَ ازمءَیک راھسرے نہ لیک اَنت ءُ کیڈٹءِ وڑیں جاگہےءَ کہ کسےّ وانیت گڑا الّم آ پئوج ، سول سروسز،ڈاکٹر یا انجینئرے بہ بیت ءُ من ہمے مار اتگ اَت کہ پیشہ آنی یکّیں کدر ءُ کیمت نہ انت ءُ دوازدہءَ داں ہمودءَ وانیت۔

چاگردی بندی ءُ جوڑ کُتگیں رسمانی پدءَ آئیءَ ھم اکنامکس ءُ فنانسءِ تہءَ داکلہ زُرت آئیءِ دل پہ ازمءَ ھدوک اَت بلئے ہچ وڑءَ پیش ئِے نہ داشت من شھدربرجاہءِ تہءَ بازیں ازمی مکابلہ آں بھر زُرتگ ءُ منی یک پینٹنگے سک باز دلبڈّی دئیگ بُوت آئیءِ تہءَ یک زالبولے پدیانکءِ سرءَ نشتگ ءُ نانءِ چُنڈے گون انت ایشیءَ را من نام داتگ اَت کہ دگنیا اگاں نگنی چُنڈے بوتیں ایش سک نامدار بُوت ءُ بازیں روتاکاں اتک۔

ہمے وھدءَ آ بے وابی ،ڈپریشن ءُ وتکشیءِ ھیالاں گوں دُچار بُوت ۔آ گوشیت چرے وئیلءَ تہنا منی جند اَت کہ وتءَ کشّ کُت کنت ءُ من سک بے وڑ بُوتگاں ہچ وڑءَ وتی ہیال داشت نہ کُتگ اَنت گڑا ہمے وھدءَ من وتی گیشتر وھد گوں وانگ،پینٹنگ ءُ چس لئیبءَ گوازینت اَنت من یک سمسٹرے وتی اوشتارینت ءُ سپرءَ درکپت اَنت اے نیامءَ ھم پینٹگ منی ہمراہ اَت ءُ گیشیءَ گوں منی ھدوکی گیش بوان بُوت۔

آئیءَ وتی وانگ برجاہ داشت ءُ چہ نیشنل یونیورسٹی آف ماڈرن لینگوجزءَ وتی وانگءَ سرجم کنت۔ہمے نیامءَ آئیءِ سُور بیت ءُ بلوچستانءَ روت اودءَ وتی لوگءَ آ اسٹوڈیو رنگیں وانگجاھے جوڑ کنت ءُ ہمودءَ ھم گیشتریں وھدءَ پینٹنگ جوڑ کنت ءُ ہمودءَ آئیءِ لوگبانک آئیءَ گوْشیت کہ وتی شوکءَ برجم بہ دات ءُ آ این سی اے ءَ داکلہ زُور ایت ۔

اودءَ روگءَ پد ھم آئیءِ ہیالءَ چہ “گوچنیں زندءَ در “ءِ نامءَ دنت ئِے ۔

وتی آ ڈگری ءِ یل کنگءَ پد ھم نہ زانگءَ نہ اتاں کہ من سوبمَنْد باں یا من زر کمائینت کن اَنت بلئے یک چیزےءَ گَل اتاں کہ من وتی جاگہءَ سر بُوتگ اَنت ۔ کجام چیز ءَ کہ تو وانگ لوٹ ئے اودءَ تو رُدان بئے ۔

ہمک مردم جِتا اِنت بس وتی زانگ الّمی انت ءُ پہ فیاضءَ ازمءَ آئیءِ زند مٹّینگ۔

نبشتاکار آزاد نبشته کنت. ٹویٹر ءَ @sommulbaloch ءِ هساب ءِ سرا ٹویٹ کنت. https://twitter.com/sommulbaloch

پبلشد بوتگ: ڈانEOS, February 12th, 2023