Textbooks — the real culprit
رجانک: بیبرگ بلوچ
اے گپ راست اِنت کہ بازیں سبب پاکستان ءِ وانگی رھبند ءَ اثرانداز کن اَنت بلئے اے درگت ءَ پاکستان ءِ وانشتی کتاب یک مزنیں اڑ ءُ جنجال ئِے۔ راست گُش اَنت کہ زھگ ھما چیزاں ھیل کن اَنت کہ آیاں کلاس ءِ تہ ءَ دیستگ ءُ سما کرتگ۔
اے وھد ءَ آیانی کر ءَ ھیل کنگ ءِ دو رھبند کاینت، یکے ستاد ءُ دومی وانشتی کتاب۔۔ من وتی گڈی پوسٹ ءِ تہ ءَ استادانی اکس ءِ نکش کرتگ اَت کہ آ چون زھگانی زہنیت ءَ سان کن اَنت، پدر اَت۔ وانشتی کتاب چے پہم ءَ اَنت؟
آیاں ءَ ما یک لبزے ءِ تہ ءَ درپشاں کرت کن ایں۔۔۔۔آ لبز “ترسینگ” اِنت۔ باز مردم وانگی کتابانی بابت ءَ گش اَنت۔۔ آ gender ءِ بُنیات ءَ اَنت۔( بزانکہ یک جِنسے ءَ را جْوان گُشگ ءُ دومی ءَ را ایر جنّگ) آ امن ءِ ھلاپ ءَ اَنت۔۔آ کَست ءُ کینگ، زھر ءُ نپرت ءِ دیمروئی دوست اَنت۔ اے درستاں چہ ابید آ برداش ءُ مھر ءَ دیمروئی ءَ نئیل اَنت ءُ زھگاں ءَ آ ڈولیں سنچ نہ دے اَنت کہ آ شرگداری دروشم ءَ بہ جیڑ اَنت انچوش کہ جْوانیں کتاب آیاں ءَ پہ جیڑگ ءَ پرمان کن اَنت۔ تجزیہ کاریں ادارگ بزان کہ Unesco ءُ زانتکار اوں ھمے سوب ءَ زاھِر کن اَنت۔
سال پیسر نیشنل پارٹی ءِ یک سنیٹر ءِ ماں اسمبلی ءِ تہ ءَ زھرشانی کنت، وھدے کہ آ وانشتی کتاب( کہ سندھ ءُ پنجاب ءِ وانگجاھاں وانینگ بیت) ءِ بندے وان ایت۔ آئی ءِ تہ ءَ بلوچ ءِ درگت ءَ چوش نبشتگ بیت ” بلوچ گیر تہذیب یافتہ مردم اَنت کہ مدام گوں جنگ ءُ کُشت ءُ کُش ءَ دستگٹ اَنت ” آ مرد اسمبلی ءَ گُش ایت کہ دگہ کتابے ءِ تہ ءَ اوں بلوچ ءِ درگت ءَ نشتگ اِنت کہ، “بلوچ ھما مردم اَنت کہ ریکزارانی تہ ءَ نشتگ اَنت ءُ چہ ڈنّ ءَ آوکیں کاروانھاں لُٹّ اَنت۔
زاناں اِشانی وانگ ءَ چہ رند زھگ گوں بلوچ ءَ نپرت نہ کن اَنت؟ چونیں رِد ءُ گیر زمہ واریں چیزے بلوچ ءِ بابت ءَ ھما وھد ءَ نبشتگ کنگ بوتگ وھدے کہ آ وت چہ پاکستان ءَ تنگ اَتکگ۔
پد ءَ gender ءِ تپاوت اوں ھست اِنت کہ آئی ءَ مئے وانشتی کتاباں وتی ارجان جتگ۔ Unesco یک تجربگے کنت ءُ آئی ءِ تہ ءَ پاکستان ءِ چاریں سوباھانی 194 وانشتی کتاباں چار ءُ ٹپاس کنت، چہ شش subjects ءَ ھمے چیز پدر بیت اِنت کہ ” پاکستان ءِ National Carriculum یک مزنیں مرد واجہی ءِ ودی کنت کہ مرداں چہ دومی gender ءَ بُرز لیک ایت ءُ تھنا سئِے subject ءِ تہ ءَ اے چیز کم گندگ ءَ کیت”۔
رپورٹ ھمے گُش ایت، کہ وانشتی کتابانی تہ ءَ تھنا 7.7 پیسّد کِردار زالبول اَنت ءُ اشانی تہ ءَ گیشتر گوں اسلامی راجدپتر ءَ بندوک اَنت ءُ ایندگہ درستیں کِردار مرد اَنت۔ برصغیر بزانکہ subcontinent ءِ راجدپتر ءِ سر ءَ ماں وانشتی کتابانی تہ ءَ تھنا 0.9 پیسّد زالبول ھوار کنگ بوتگ اَنت۔ سک باز بر ءَ وانشتی کتابانی تہ ءَ یک گُشتن ءِ دیم ءَ آرگ بیت کہ ” یک سد (100) بچکیں زھگ چاگِردے ءِ واست ءَ اِنکسیں بوجے نہ اِنت، کہ یک جنکیں زھگے چاگِرد ءِ چمان جہل کرت کنت”۔
اِشی ءِ تہ ءَ ھچ شَک نیست اِنت کہ اے وانشت بچکاں بُرز ءُ جْوانیں کِردے لیک ایت ءُ چاگِرد ءِ تہ ءَ gender ءِ بُنیات ءَ نپرت پیداک کنت۔ مئے مزھبی پجار وَ چٹ دگہ دروشمے ءَ وانشتی کتابانی تہ ءَ مان گِشینگ بوتگ اَنت۔
اشی ءِ سر ءَ طائرہ عبداللہ ءَ مواد جم کرتگ ءُ KP ءِ وانشتی کتابانی سر ءَ یک چمشانکے داتگ کہ اے ھما وانشت اِنت کہ جنگانی توسیپ ءَ کنت ءُ گیر مسلماناں ایر جنت، راستی ءَ چہ یک چم ءَ چار ایت ءُ پدر نہ کنت، راجدپتر ءَ رد پیش کنت ءُ زالبوالاں ایر جنت۔ یک نازرکیں جیڑہے ءِ سر ءَ اے رنگیں نویسگ جْوان نہ اِنت۔ درستاں چہ زیات ھما نودربر کہ آ چیزانی سر ءَ زوت یکین کن اَنت آیانی سر ءَ اے رنگیں چیز سک ھرابیں سان دور دیانت۔
مارا ھیران بوھگ نہ اِنت، چہ اے دروراں ھمے چیز زاھر بیت اِنت کہ جنگی مارشت ءُ روجان پاکستانی چاگِرد ءِ تہ ءَ رُدوم زورگ ءَ اَنت۔ اے چیزے دیم ءَ بروک یک دومی ءَ گوں ھمگْرنچ اَنت، آ جنگجو اَنت، جہادی اَنت،آ زلم دوست ءُ دگہ لیکہھانی منّوگِر اَنت کہ دُرستیں سوباھانی وانگی رھبند ءِ سر ءَ واجہی لوٹ اَنت۔ امریکہ ءِ دباؤ ءِ سوب ءَ ھمے جھد کنگ بوت کہ وانشتی رھبند ءِ تہ ءَ مٹی ءُ بدلی آرگ بہ بیت، 9/11 سالے تہ ءَ ،وھد گُوست ءُ شت بلئے ھچ وڑیں مٹی آرگ نہ بوت۔
اے میان ءَ ھمے دیمروئی دوستیں مردم کہ وانشتی رھبند ءِ تہ ءَ مٹی آرگ ءِ جھد کنگ ءَ اِت اَنت، آیانی سر ءَ تشدد کارمرز کنگ بوت۔ Bernadette Dean ءِ درور ءَ بہ زور اَنت کہ آ یک آزات ھیالیں وانندہے اِت اَت کہ سندھ ءِ وانشتی رھبند ءِ تہ ءَ مٹی آرگ ءِ واست ءَ کار کنگ ءَ اَت، ماں کراچی ءَ آئی ءِ ھلاپ ءَ شپ ءِ نیم ءَ پوسٹر جنّگ بوت ءُ آئی ءَ ترسینگ بوت کہ اگاں زوت ءَ زوت ملک ءَ یل نہ کرت یے گڑ ءَ کُشگ بیت۔ آئی ءَ ملک یل کرت ءُ شُت وھدے کہ IG ءَ گُشت کہ ما تئی رکینگ ءِ زمہ واری ءَ زُرت نہ کن ایں۔ لاتیں ھپتگ پیسر چہ جہادیانی نیمگ ءَ دگہ اوں یک گیر مسلم وانندھیں زالبولے ءِ سر ءَ ارش کنگ بوتگ۔
آرٹیکل A-25 بُنشتی وانگ ءِ بابت ءَ گُش ایت کہ بُنشتی وانگ چہ 6 سال ءَ داں 16 سال ءِ اُمر ءَ درستیں زھگانی واست ءَ ھژدری اِنت۔ یک گنٹہ ءِ وانگ ءِ معنا اے نہ اِنت کہ پاکستان ءَ ھمک زھگ گوں وانگ ءَ بندوک اِنت باید اِنت اِیش بہ بیت کہ کتاب آیاں ءَ ھما چیزاں بہ دنت کہ آیاں ءَ لوٹ ایت۔
گچینکاری یک جْوانیں موکہ یے کہ آئی ءِ تہ ءَ ھمے لوٹ ایر کنگ بہ بنت کہ وانشتی رھبند ءِ تہ ءَ ھما چیز ھوار کنگ بہ بنت کہ آئی ءِ تہ ءَ ھوار کنگ لوٹ ایت۔
