نبشتانک: لاله نایب

لاله نایب که یک زُبان زانتے (چه سوئیڈنا) ماتی زُبانئے ھلاس کنگئے ردا گوشیت که پارسی گپّ جنۆکێن مات و پِتانی وتی ماتێن زُبانئے نئوانێنگئے ردا ھچ وڑێن سائنسی بنیاد نێست.

مات و پِتانی وتی لێکه هست‌اِنت که وتی زھگانا ماتی زُبان نئوانێننت. هکیکتا  اے گوَشنت که اے وڑ کنگا چه چُک شرتِر سرکاری زُبانا دربرنت بله اے وڑا زھگانی زانت سَک کم بیت و اے یک سکّێن بلاھێن دھۆکے اے گۆن جِندئے زاتا، زھگان ماتی زُبانئے نئوانێنگئے لهتێن سئوب هست‌اِنت، آ چۆ اے وڑا اَنت :

وانگئے تها ماتی زُبانئے ارزشتا گۆن نه‌بلدی.

ماتی زُبانئے وانێنگئے سنچ نبئیگ.

او اے گپئے منّگ که چاگردئے تها په زهگان سرکاری زُبانئے گپّ جنگ شرتِر اِنت و ماتی زُبان نلۆٹیت.

چاگِردئے زۆر ھمے مردُمانی سرا، په درور ، نسل پرستی و آ دگه زُبان و گالواران جهل لێکگ.

وتی زُبانا دنیائے تها شَر لێکگ و چُکانا زُبانئے وانگا وهد ندئیگ.

ھمے گپئے منّگ که زھگ بِلّی کمّے پارسی زاننت تانکه وتی سیاد و وارسان گۆن گپ بکننت.

بد کِسمتیا گۆن، بُرزا داتگێن دُراھێن گپ بے بنیاد اَنت، مات و پت وت چُکانی نپسیاتی رۆدُما دراگاه اَنت، کم چه کم اگن ماتی زُبانا بواننت گڑا دو زُبان گپ جت کننت، لئیوَل زُبان زانتی و نپسیاتی رنگا اگن بچارێن گُڑا ھما چُکّ که دو زُبان گپ جنْت آیانی IQ لئیول گێشتر بیت در کد آ گوانڈوان که آ یک زُبانے ھبر کننت چه آییئے آ زُبانئے وانگا رند بُنگێج بکننت بلّی انگت شَرتِر ھبر کُرت کننت.

پَرچا ماتی زُبان په زھگان شرّێن ڈئولا وانێنگ ببیت؟

ماتی زُبان ائولی زُبان اِنت که آییا مات و پِت شرّ زاننت و آ وتی چُکان جوانێن رنگیا زُبانئے رد و بندان وانێنت کننت.

وھدے گونڈوے دگه زُبانے وانیت گُڑا باز جێڑهانی دێمپان بیت، چۆ که رَد و بند و زمانگانی زانگ. وتی ماتی زُبانئے وانێنگا چه رند گوَنڈو شرتر دومی زبانا در بارت، ھمےپئیما په زھگا ارزانیَ بیت که وتی زُبانئے بُنُکّی رد و بندا سَرپد ببیت.

ائولی زبانئے دربرگ چه چُکّئے  یک بُنزاهے جۆڑ بیت و ھمے بُنزاہ چُکا دگه بازێن گالانی دربَرگا مَدت کنت.

همے پئیما که چُکّے دو زُبان زانتے بیت و دو زُبان زانتێن مَردم زهنی رِدا سکّ تێز بیت و چاگردی ردا ھم.