بــَـٹ ءِ چـیـپـل و چـیـپـل
The article below is not in standardized Baluchi. We are currently working on it and will provide an updated version soon
رجانک: کریم بلوچ
گوَشتَ کنێن که چه ڈَنّی زبانان لبزانکی رجانک مان بلۆچیا نبئیگئے هسابا اِنت. چکانی کسه ' بــَـٹ ءِ چـیـپـل و چـیـپـل' ولادیمیر گریگورویچ سوتیوا یک کۆشستے که ڈَنّی لبزانکا بلۆچ استمانئے نیاما بپَجّارێنیت..
اسپیده ( هامرگ – هـَـیک ) ترک ات و بٹ ءِ چیپل چه اسپیده در اهت . _ من ودی بوتں ! _ آئی گوئشت .
_ من هم ودی بوتں ! _ مرگ ءِ چیپل گوئشت .
_ من په تــَـرّ و گرد ءَ رواں ، _ بٹ ءِ چیپل گوئشت . _ من هم ، _ چیپلک گوئشت .
_ من کــَلّے جنان ! _ بٹ ءِ چیپل گوئشت . _ من هم ! _ چیپلک گوئشت .
_ من کرمے ودی کت ! _ بٹ ءِ چیپل گوئشت . _ من هم ! _ چیپلک گوئشت .
_ من مُلاؤکے ( پرونکے ) گپت ! _ بٹ ءِ چیپل گوئشت . _ من هم ! _ چیپلک گوئشت .
_ من لوٹاں که جان بشوداں ! _بٹ ءِ چیپل گوئشت . _ من هم ! _ چیپلک گوئشت .
_ من اژناگ کنئگ اوں ! _ بٹ ءِ چیپل گوئشت .
_ من هم ! _ چیپلک گوانک جت و سٹی کت آپ ءِ تها .
_ مـَـدَت ! مَ …دَت ۔۔۔ ! _ وتا بدار ! ودیگاں ! _ بٹ ءِ چیپل گوئشت . _ ب ووووول… ب ووووووول … _ چه چیپلک ءِ دپ دراهت .
– بٹ ءِ چیپل ، چیپلک ءَ چه آپ کش اِت و دَر کــُت .
_ من رواں یک کمے دگه جان شوداں. _ بٹ ءِ چیپل گوئشت . _ من … من … نه ! _ چیپلک پسو دات .